كتب / محمد يوسف
الركب والمفاصل عبارة عن عضم ومتغطي بطبقة غضروف ناعم لسلاسة الحركة. بسبب تكوين الركبة والمفاصل بنفدر نتحرك ونقوم ونقعد ونطلع سلالم مثلا وغيرها كتير. مع الحركة أو الإصابة أو حتى كبر السن ممكن الطبقة الغضروفية دي يحصلها تآكل فتبتدي تحس بألم ويحصلك خشونة في الركبة أو المفاصل
طبعا في أسباب تانية للخشونة دي زي مثلا العامل الوراثي وزيادة الوزن اللي بتؤدي لزيادة الحمل على الركب والمفاصل. كمان لو بتقعد بصورة غير صحيحة خصوصا لفترات طويلة أكيد ممكن تبتدي تعاني أو لو مثلا إتمرنت تمرين معين زيادة عن اللزوم أو أجهدت نفسك بحركة معينة في التمرين.
في كمان دراسات بتقول إنك لو أكلت لحوم وبقوليات –بروتين يعني- أكتر من اللازم ممكن ده يساعد على تآكل الغضروف.
طب هتعرف منين لو عندك مشكلة؟ لو إنت بتصحى من النوم جسمك أو مفاصلك “مخشبة” وبتفضل كدة لمدة حوال يساعة يبقى ممكن يكون عندك مشكلة. ممكن كمان تسمع صوت “حك” أو “تزييق” من المفصل المصاب أو يورم مثلا. كمان لو ضغط على المفصل بالراحة وحصل ألم يبقى برضو ممكن يكون في مشكلة.
أما بقى لو هنتكلم في إزاي ممكن تتخلص من الام المفاصل والخشونة فممكن تجرب كذا طريقة. أول حاجة حاول لو بتقف فترات طويلة أومثلا بتتطلع وتنزل سلالم كتير إنك تقلل من الحاجات دي لأنها بتزود الحمل على الركبة وتؤدي لخشونتها. كمان للركبة لو إنت بتعاني من ألم حاول تتجنب العجل في الشارع أو الجيم وممكن كمان تجرب تمشي على سطح طري –زي في جنينة مثلا- لأن المشي بيزود تدفق الدم فيها وممكن يقلل الألم.
كمان ممكن تستخدم زيت جنزبيل، إدهنه على المفصل اللي عندك فيه مشكلة بإستمرار وأكيد هيقلل الورز –لو فيه- وكمان الألم لأنه بيحسن الدورة الدموية. كمان بذور الكتان اللي مليانة أوميجا 3 اللي ليه خصائص مضادة للإلتهابات ممكن يساعدك كتير.
أهم حاجة لو عندك مشاكل في المفاصل إنك تاخد بالك من حركتك، حاول تقلل وزنك لو هو زيادة وإتحرك بس في المعقول وعلى القد. حاول يفضل وضع جسمك مظبوط وإنت قاعد أو نايم علشان تقلل الالم شوية.
ليست هناك تعليقات:
إرسال تعليق